Nasjonalmuseets forskingsbibliotek er i Kristian Augusts gate 23. Biblioteket er Noregs leiande innan sitt fagområde og omfattar biblioteksamlingane i tidlegare Arkitekturmuseet, Kunstindustrimuseet, Museet for samtidskunst, Nasjonalgalleriet og Riksutstillingar.
Samlingane inneheld ca. 130.000 bøker, utstillingskatalogar og oppslagsverk innan eldre og nyare biletkunst, kunsthandverk, design, arkitektur og tilgrensande fagområde. Biblioteket har ca. 200 løpande tidsskrift, ei video-/DVD-samling og ei lysbildesamling på ca. 28.000 lysbilde.
Bibliotekets samlingar kan nyttast på staden. Vi har lesesal med 25 arbeidsplassar og eige visingsrom for video/DVD. Det er mulegheit for svart-kvitt- og fargekopiering mot betaling. Lysbilde og video/DVD er til utlån.
Terminalar for søk i bibliotekets database er plassert i bibliotekets åpne lokale. I lesesalen er det tilrettelagt for bruk av eigen laptop.
