Nasjonalmuseet for kunst, arkitektur og design har tatt over ansvaret for samlingane frå Nasjonalgalleriet, Museet for samtidskunst, Kunstindustrimuseet i Oslo, Riksutstillingar (samling frå tidlegare Riksgalleriet) og Arkitekturmuseet.
Samlingane er talrike og omfattar ei rekkje ulike kategoriar. Vi kan førebels ikkje gi ein einsarta presentasjon over Nasjonalmuseet si totale samling.
Samlingsutstillinga i Nasjonalgalleriet ( Kunst 3) og dei to basisutstillingane i Kunstindustrimuseet ( Stil 1100–1905 og Design og kunsthandverk 1905–2005) viser utvalde verk frå samlingane.
Utlån
Nasjonalmuseet låner årleg ut ei rekkje verk frå samlingane til utstillingar i inn- og utland. Det er også deponert verk frå museet i statlege bygg i inn- og utland.
Førespurnader om lån skal gjerast skriftleg seinast 6 månader før utstillinga begynner. For å gjera saksbehandlinga enklare, skal førespurnaden innehalde:
- liste over ønska kunstverk (kunstnar, tittel, teknikk, mål, inventarnr.)
- utstillingsperiode og tittel
- skildring av utstillingskonseptet
- grunngjeving for søknaden
Verkslister kan også sendast digitalt med søknaden.
Klima- og sikkerheitstilhøve
Det er ønskeleg at det med søknaden blir lagt ved ein standard klima- og sikkerheitsrapport (fasilitetsrapport) eller at den blir sendt som e-post til
torill.bjordal@nasjonalmuseet.no
Deposita (langtidsutlån):
Statlege styresmakter, museum og andre kulturinstitusjonar kan søke om lån av kunstverk frå Nasjonalmuseet sine samlingar. I 2009 kan det bli lagt nokre avgrensingar på denne type utlån.
Innkjøp og gåver
Blir vurdert av ein eigen innkjøpkomité.
Skjema for eksporttillating
Kulturdepartementent har utarbeidd informasjon om eksporttillating av kulturminnegjenstandar. Brosjyre og søknadsskjema ligg på nettstaden til ABM-utvikling.
