Museet for samtidskunst

Museet for samtidskunst stengde 3. september 2017. Samtidskunsten har starta ferda mot det nye Nasjonalmuseet.

3. september 2017 var siste opningsdag for Museet for samtidskunst. Fram til det nye Nasjonalmuseet opnar i 2020, vil samtidskunsten vere representert gjennom skiftande utstillinger i Nasjonalgalleriet og Mellomstasjonen.

Før kunsten kan presenterast for publikum i det nye museet på Vestbanen, må ein dokumentere, konservere og pakke samlinga. I det nye museet får publikum for første gong sjå ei fast samlingsutstilling av samtidskunst, som vil dekke heile 2.300 kvm, i tillegg til skiftande utstillinger. Samtidskunsten vil skine i heilt nye samansetningar, i samspel med eldre kunst, design og arkitektur.

Les meir om samtidskunstens ferd mot det nye Nasjonalmuseet her.

Utforsk samlinga på nett

Opplev verk frå samtidskunstsamlinga i Nasjonalmuseets digitale samlingssøk.

Samlinga

Nasjonalmuseets samtidskunstsamling består av ca. 5 000 norske og utanlandske verk frå perioden etter 1945. Samlinga spenner over eit breitt spekter av sjangrar og uttrykksformer; måleri, grafikk, teikning, fotografi, skulptur, objekt, installasjon og video.

Museet opna for publikum i 1990, med sentral plassering på Bankplassen i Oslo, i det som før var Noregs Banks lokale. Den vakre jugendstilinspirerte bygningen i norsk granitt og marmor stod ferdig i 1906. Arkitekten var Ingvar Magnus Olsen Hjorth (1862–1927). Museet har rundt 2 000 m2 utstillingsareal over to etasjar, med den store Banksalen i 1. etasje som eit hovudfokus. I 2003 blei museet ein del av Nasjonalmuseet for kunst, arkitektur og design.

Adresse: Bankplassen 4, Oslo