Nasjonalgalleriet

Nasjonalgalleriet stengde mellombels i januar 2019, i samband med flyttinga til det nye Nasjonalmuseet som opnar i 2020.

Nasjonalgalleriet skal også i framtida vere ein del av Nasjonalmuseet og brukast til visning av kunst. 

Publikum vil haldast informert om når Nasjonalgalleriet opnar igjen.

Høgdepunkta i samlinga vil igjen bli utstilt i det nye Nasjonalmuseet som opnar i 2020. Nasjonalmuseets versjon av Skrik vil ikke være tilgjengelig for publikum før i 2020. Fra 11. mai – 8. september stiller Munchmuseet ut sin versjon av Skrik i utstillingen «Exit»

Utforsk samlinga på nett

Rundt 40 000 verk er tilgjengelige i museet si digitale samling

Høgdepunkt i museets rikhaldige samling av Edvard Munchs verk er Skrik, Madonna, Det syke barn og Livets dans. Viktige verk av sentrale norske kunstnarar som J.C. Dahl og Thomas Fearnley er også representert. Andre høgdepunkt er Tidemand og Gudes nasjonalromantiske Brudeferd i Hardanger og nyromantikkens kanskje viktigaste verk: Harald Sohlbergs Vinternatt i Rondane. Christian Krohg er godt representert i samlinga, blant anna med den gripande fremstillinga Albertine i politilegens venteværelse.

Av utanlandsk kunst i samlingen er skulpturar frå antikken og fleire arbeid av tyske Lucas Cranach. Den italienske kvinnelege kunstnaren Artemisia Gentileschis Den angrande Maria Magdalena er blant dei viktigaste måleria frå barokken.