Nasjonalmuseet for kunst, arkitektur og design
Nasjonalmuseet for kunst, arkitektur og design (pdf)
Našunalmusea čohkke ja seailluha, čájeha ja gaskkusta Norgga stuorimus čohkkehusaid dáidagis, arkitektuvrras ja designas. Musea čájeha fásta čájáhusaid iežaset čohkkehusa dáidagiin ja molsašuddi čájáhusaid luoikkahuvvon ja iežaset dáidagiin. Musea čájehanbáikkit Oslos leat Nasjonalgalleriet, Museet for samtidskunst, Nasjonalmuseet – Arkitektur ja Kunstindustrimuseet. Čájáhusprográmma fátmmasta maid johttičájáhusaid riika siskkobealde ja olgoriikas.
Dáidda
Nasjonalgalleriet ja Museet for samtidskunst
Boarráset ja ođđaáigge dáidda čájehuvvo Nasjonalgalleriet:is, ja dálááiggedáidda čájehuvvo Museet for samtidskunst:as. Čohkkehusa váldooassi lea norgga maleriijat ja báccit 1800-logus. Museas lea maid viiddis norgga ja olgoriika sárggus- ja grafihkkačohkkehus. Edvard Muncha Skrik, ja eará su guovddážeamos dáidagiin, leat čohkkehusa earenomášvuođaid searvvis. Eará stuora dáiddárat leat J.C. Dahl, Aldolph Tidemand, Hans Gude, Harriet Backer ja Christian Krohg. Čohkkehusat 20. čuohtejagis čájehit norgga govvadáidaga ovdáneami referánssaiguin ja čoavddadáidagiiguin davviriika ja olgoriika dáidagis siskkobealde maleriija, bácci, gova, video ja eará ovdanbuktinmálliid. Guovddážis čohkkehusa riikkaidgaskasaš dálááiggedáidagis lea Ilya Kabakova fásta installašuvdna Mannen som aldri kastet noe (1988–1995).
Finadančujuhusat: Nasjonalgalleriet, Universitetsgata 13; Museet for samtidskunst, Bankplassen 4
Arkitektuvra
Nasjonalmuseet – Arkitektur
Arkitektuvračájáhusat mat fátmmastit historjjálaš fáttáid rájes dálááiggearkitektuvrra rádjái čájehuvvojit Nasjonalmuseet – Arkitektur. Guokte deaŧalaš arkiteavtta, okta 1800-logus ja okta 1900-logus, leaba hábmen vistti. Váldovistti tevdnii Christian H. Grosch ja gárvanii jagis 1830. Sverre Fehn rievdadii ja stuoridii dan ja rahppui arkitektuvračájáhusarenan jagis 2008. Arkitektuvračohkkehusa váldodeaddu lea modernismmas, earenoamáš deaddu soahtegaskaáiggis. Čohkkehussii gullet eanemusat priváhtadoaibmi norgga arkiteavttaid arkiivvaid ja sisttisdoallá sárgosiid, govaid, hámiid, reivvestallamiid j.e.
Finadančujuhus: Bankplassen 3
Designa ja dáiddagiehtaduodji
Kunstindustrimuseet
Designa ja dáiddagiehtaduodji čájehuvvo Kunstindustrimuseet:as. Čohkkehus fátmmasta antihka greikka lihtiid ja nuortaasia dáiddabiergasiid rájes eurohpalaš stiilahistorjjá rádjái. Čohkkehussii gullet biktasat, mota ja tekstiila, latnjabiergasat, silba, láse, keramihkka, designa ja dáiddagiehtaduodji. Čohkkehusa earenoamášvuođaid searvvis leat Baldishol-teppet, okta sierralágan, gođđojuvvon gobelinteppe 1100-logus, norgga gonagasviesu bivttasčohkkehusat ja 1700-loguláset Nøstetangen:is, Norgga vuosttaš lásedoaimmahat.
Finadančujuhus: St. Olavs gate 1
Mii fállat čájáhallamiid dárogillii ja eŋgelasgillii: omvisninger@nasjonalmuseet.no
Nasjonalmuseet – hálddahus ja girjerájus
Finadančujuhus: Kristian Augusts gate 23, Oslo
Poastačujuhus: Postboks 7014, St. Olavs plass, N-0130 Oslo
Tlf.: (+47) 21 98 20 00
E-poasta: info@nasjonalmuseet.no
Čuovo Nasjonalmuseet
dás: www.facebook.com/nasjonalmuseet ja www.twitter.com/nasjonalmuseet
Eambbo dieđuid ja čohkkehusa earenoamášvuođaid
gávnnat dás: www.nasjonalmuseet.no ja www.nationalmuseum.no