Teikningsamlinga
Teikningsamlinga er den største av sitt slag i Noreg. Den består av over 120 private arkitektarkiv på til saman over 300 000 teikningar. Samlinga er ei viktig kjelde til forståing av våre fysiske omgjevnader og til den enkelte bygning si opphavshistorie.
Fotosamlinga
Fotosamlinga omfattar ca. 25 000 fotografi (fargedias og svart-kvitt). Til saman representerer fotosamlinga over 3000 norske bygningar og 500 norske arkitektar. Fotografia er tatt delvis av arkitektane sjølve og delvis av kjende norske fotografar.
Tormod Olesens fotosamling består av fotografi av eldre, nordisk trearkitektur etter den danske arkitekten Tormod Olesen.
Modellsamlinga
Modellsamlinga består av ca. 100 modeller av norske bygninger frå 1920 til i dag. Samlinga omfattar arbeidsmodellar, presentasjonsmodellar frå oppdrag eller arkitektkonkurransar og modellar laga i tilknyting til utstillingar.
Harald Hals' modellsamling består av over 300 modellar av bygningar i Oslo, sog ein stor byplanmodell over Oslo frå 1930-1950.
Boksamlinga
Boksamlinga består av samlingane etter byplanleggar Harald Hals og professor og forskar Christian Norberg-Schulz.