Utstilling

Skakke folkedrakter

Detalj fra Håvard Kranstads «Koll-Krone», 2023.
Foto: Nasjonalmuseet / Annar Bjørgli

Tradisjonsrike plagg og tilbehøyr kan skape sterke kjensler av tilhøyrsle, men også av utanforskap. Kva kjensler vekker dei i deg?

Se videoportretter av kunstnerne her.

Se dokumentaren om prosjektet her.

Mange har eit forhold til bunadar, kofter og folkedrakter. Dei tradisjonsrike plagga kan skape sterke kjensler av tilhøyrsle og stoltheit, men også av utanforskap, skam og sinne.

I den turnerande utstillinga «Skakke folkedrakter» er seks samtidskunstnarar invitert til å utforske og utfordre draktskikkar, identitet og handverkstradisjonar. I prosessen har dei undersøkt motsetningar og gått i dialog med handverkarar og kunnskapsberarar. Dei har skapt sine eigne uttrykk gjennom blant anna fotografi, vev, perlearbeid, porselen, installasjonar, instrument og dans.

Resultatet er ein hyllest og eit opprør – ei utstilling om drakter som er langt frå ei draktutstilling. Ei utstilling der drakter ikkje først og fremst er drakter, men symbol og idear som formar vår tid, vår sjølvforståing, våre relasjonar til andre og vår historie.

Nasjonalmuseet og fleire andre institusjonar og museum i Noreg tek no eit djupdykk i handverket og historikken knytt til bunad, kofte og folkedrakt. Utstillinga har blitt utvikla gjennom dialog på tvers av institusjonar og fagmiljø over heile landet.

Rafiki, del av verket «Alene sammen, som perler på en snor», 2023 Foto: Nasjonalmuseet / Annar Bjørgli
Christian Blandhoel, «Subnasjonal folkedrakt / Ny folkemusikk», 2023 Foto: Nasjonalmuseet / Annar Bjørgli
Håvard Kranstad, «Koll-Krone», 2023 Foto: Nasjonalmuseet / Annar Bjørgli
Christian Blandhoel, «Subnasjonal folkedrakt / Ny folkemusikk», 2023 Foto: Nasjonalmuseet / Annar Bjørgli
Lin Wang, «Bunad Tattoo Shop», 2023 Foto: Nasjonalmuseet / Annar Bjørgli
Harald Beharie, «Leik» (videoverk), 2023 Foto: Hacienda
Márjá Karlsen, del av verket «Láigečála», 2023 Foto: Márjá Karlsen

1 av 7

Visingsstadar

2026

6. mars 2026–27. september:
Alta Museum

2025

25. januar–23. mars:
Bomuldsfabriken Kunsthall

4. april–25. mai:
Hordaland Kunstsenter

6. juni–5. oktober:
Hadeland Folkemuseum

23. oktober- 22. februar:
Interkulturelt Museum, Oslo

2024

21. juni–22. september:
Stiklestad Nasjonale Kultursenter

11. oktober–8. desember:
Bymuseet Bodø - Nordlandsmuseet

2023

18. juni–17. september:
Valdres Folkemuseum

6. oktober–2. november:
Guovdageainnu gilišillju – Kautokeino bygdetun

20. november–17. mars:
Sunnfjord Museum

Om prosjektet

«Skakke folkedrakter» er eit turnerande utstillingsprosjekt som er utvikla i samarbeid med blant andre Norsk institutt for bunad og folkedrakt, Valdresmusea, Randsfjordmuseet, Museum Stavanger og Bodø kulturhovedstad 2024. Prosjektet er initiert av Nasjonalmuseet.

Kunstnarar

Márjá Karlsen, Harald Beharie, Rafiki, Lin Wang, Håvard Kranstad og Christian Blandhoel. I Alta Museum (6.3–27.9) vises også verket Rusttet av Hilde Skancke Pedersen, en sentral bidragsyter i det norske og samiske kunstfeltet.