Girjegumpi i Jokkmokk, 2019. / Girjegumpi Johkamohkis, 2019.
Foto: Astrid Fadnes / Govven: Astrid Fadnes
  • 15. oktober 2021–6. februar 2022
  • Nasjonalmuseet – Arkitektur – Nationálamusea – arkitektuvrra
  • Golggotmánu 15. beaivvis guovvamánu 6. beaivái

Arkiteakta ja dáiddár Joar Nango lea guhká čohkken girjjiid ja eará ávdnasiid main lea čanastat sámi arkitektuvrii. Namman Girjegumpi leat guokte davvisámegiel sáni oktii laktojuvvon: «Gumpi» lea barta mielgasiid alde man sáhttá fievrredit mielde, dábálaččat muohtaskohtera maŋis ja «Girji». Das šaddá «Girjegumpi». Sátni ja ráhkadus lea sihke girjerájus, arkiiva, ja huksehus man siste daid vurkkoda ja fievrreda. 
      
Nango čoakkáldagas lea earret eará girjjálašvuohta sámi huksenvieruid ja oppalaččat álgoálbmotarkitektuvrra, arkiteaktateoriija ja postkoloniála teoriija birra. Dat lea maiddái dáiddalaš prošeakta ja guorahallamiid ja digaštallamiid vuođđun. Mii bat sámi arkitektuvra duođai lea? Goas lea arkitektuvra badjelgeahčči fámostallan? Ja mii lea arkiteavtta rolla obbalohkái? 
 
Girjegumpi lea nomádalaš prošeakta mii rievddada iešguđet dilálašvuođaid ja konteavsttaid mielde. Dat čájehuvvui vuosttaš geardde Háršttáin 2018:s, Davvi-Norgga Riemuin. Dat lea maid čájehuvvon Johkamohki dálvemárkaniin, National Museum of Canada, ja Bergena riemuin, Festspillutstillingen, Bergen Kunsthall. Go Girjegumpi ii leat jođus, de orru dat Sámi dáiddaguovddážis Kárášjogas. 

Girjegumpi på Samisk senter for samtidskunst, 2021. / Girjegumpi Sámi dáiddaguovddážis, 2021.
Foto: Joar Nango / Govven: Joar Nango