Office Kim Lenschow. Uhaldbart

Lenschow inviterer publikum til å reflektere over sine eigne haldningar til materialar og levetida deira. Korleis bidreg vi sjølve, gjennom vedlikehald og slitasje, og kvar går grensa mellom forfall som noko negativt og patina som noko positivt?  

Office Kim Lenschow har base i København. Arkitektkontoret har ei tverrfagleg og forskingsbasert tilnærming til materialar og livssyklusen til bygningar og ei bevisst og omsorgsfull haldning til kva som skjer med dei gjennom levetida. 

Dei neste åra skal programmet til Nasjonalmuseet – Arkitektur mellom anna utforske materialar og materialpraksisar i samtidsarkitekturen. «Office Kim Lenschow. Uhaldbart» er den første av tre sommarutstillingar med yngre arkitektpraksisar som set materialane sine eigenskapar og moglegheiter først.