Čuohtejahkebeale čađa lea Britta Marakatt-Labba (r. 1951 Ađevuomis, Sámis) leamaš okta dain deháleamos sámi dáiddáriin. “Bastilis sákkaldagat” čájáhus lea dán rádjai dat stuorámus čájáhus mii lea ráhkaduvvon su dáidagiin, ja čájeha earret eará tekstiilla, grafihka, installašuvnnaid ja bácciid dan viiddis doaimmas.
Britta Marakatt-Labba oassálasttii birrasii 1980-logus demonstrašuvnnaide Álttá-Guovdageainnu eanu dulvadeami vuostá. Lei issoras vásáhus go politiijat bidje ráfálaš demonstránttaid giddagassii. Garjját ovddastit stáhtalaš fámu Garjját dáidágis, ja sákkaldatgova vuolggasadji lei ge ovttaláganvuohta gaskal politiija ja dan čáhppes lotti mii buot borrá.
Girdi noaiddit dáidagis ges politiijat leat govviduvvon roahtuid hámis ja girdi noaiddit luitet sin merrii. Noaidi lea gaskkusteaddji olbmuid ja vuoiŋŋaid gaskkas. Son sáhttá earret eará tránssas johtit ilmmiid gaskkas ja suddjet vašálaččaid vuostá. Dát sákkaldagat leat dehálaš ovdagovat dálá vuostálastimii. Sámi miellačájehemiid oktavuođas Oslos 2023, de šattai Garjját fas áigeguovdilis čuorvvusin ja garjjá luohti beaggái.
– Lagabui 170.000 olbmo leat galledan sámi dáidačájáhusa Oslos.