BOOM!

Frå 1940 til 1970 opplevde Noreg eit av dei største demografiske skifta i moderne tid: babyboomen. Barn i alle aldrar fylte opp skular, leilegheiter og byrom. Den moderne velferdsstaten sette barnepolitikk i sentrum, og byplanar og bustadprosjekt blei utforma med barn i tankane. Arkitektur blei sett på som eit viktig verktøy for å forme og oppdra morgondagens borgarar.

For mange arkitektar var design for barn noko nytt å bryne seg på – ein stad for nytenking og eksperimentering. Søkelyset på barn endra samtidig måten arkitektar tenkte om og designa for vaksne på.

I utstillinga kan du sjå teikningar, fotografi og historiske filmklipp i tre utstillingsrom i Nasjonalmuseet – Arkitektur: I Buchersalen er det stilt ut teikningar og fotografi, i Hvelvet blir det vist historiske filmklipp, og i Paviljongen er det ein installasjon som du kan vere med på å endre. I tillegg er det verkstader og aktivitetar.

Bestill besøk med skular og barnehagar her: omvisninger@nasjonalmuseet.no